അവനോടവള്‍ ചോദിച്ചു:
എന്താണൂ പ്രണയം.?
അവനൊരു മറുപടിപോലും പറയാതെ അവനു കഴിയുന്നത്ര ആര്‍ദ്രമായ് അവളെ നോക്കി...
'ശോ.. നോവുന്നെടാ'എന്നവള്‍ പറഞ്ഞപ്പോള്‍ അവന്‍ ഉള്ളില്‍ പറഞ്ഞൂ..
'പ്രണയത്തിന്റെ മൃദുനോട്ടങ്ങള്‍ പോലും നിന്നെ നോവിക്കുന്നുവോ.'?
'ഇല്ലാന്നേ,നീ പറയൂ' എന്നവള്‍ മനസ്സില്‍ മറുപടി പറഞ്ഞപ്പോള്‍, അവനവളെ അരുമയോടെ ചേര്‍ത്തു പിടിച്ച് മുടിയിഴകള്‍ കോതിയൊതുക്കി..
'ഒരു മരം പുഷ്പത്തെ നീട്ടുന്നതാണു പ്രണയം.... അതിന്റെ സുഗന്ധമാണ് പ്രണയം.'!
'ഭയങ്കരാ..'
'ഉവ്വോ?'എന്നവന്‍ അവളുടെ കണ്ണിലേക്കുറ്റു നോക്കി ചോദിച്ചപ്പോള്‍ അവള്‍ മിഴികള്‍ അടച്ചുവെച്ചു..അവനപ്പോള്‍ അവളുടെ നെറ്റിയില്‍ മെല്ലെ തലോടി, ഹോ..! അപ്പോള്‍ ഒരു മയില്‍‌പ്പീലി പോലെ ആ വിരലുകള്‍ സ്നിഗ്ദ്ധമായ്.. അവളതില്‍ അലിഞ്ഞു കിടന്നു.. നേര്‍ത്തൊരിക്കിളിയില്‍ നുരഞ്ഞുയര്‍ന്നു..പിന്നെ മെല്ലെ പറഞ്ഞൂ:
'എന്നോട് ജീവിതത്തെക്കുറിച്ചു പറയൂന്നേ.'
'ജീവിതം... ആ പൂവാണത്'
'അപ്പോള്‍ മരണമോ..?'
ഹോ! ആ പൂ ഞെട്ടറ്റു വീണല്ലോ...'!
അവരെ അസൂയാലുവാക്കി ആ പുഷ്പം മണ്ണില്‍ വീണു.. അപ്പോഴും ഇതളുകളിലൊരു ചിരി അത് സൂക്ഷിച്ചിരുന്നു..!
Subscribe to:
Post Comments (Atom)
1 comment:
good one
Post a Comment